طبعاً كلنا سمعنا عن قرار إلغاء تكليف الأطباء المصريين وطبعاً الحكومة زي ما وعدتنا إن شاء الله حتوفي بوعدها لأن ده مابيحصلش غير في الحاجات الخايبة و بس !!
يا ترى لإيه فوائد إلغاء التكليف؟ سؤال يطرح نفسه على الساحة॥
والجواب كلنا عارفينه!! مفيش فلوس في الدولة تدفع منها مرتبات الأطباء
اللي هو ماسموش مرتب أصلا وكل اللي في المجال عارفين كده
طيب إيه اللي هيعود على الشعب؟ ده سؤال ثان؟
والإجابة مزيد من الفقر والمرض والجهل الذي سيتفشى بين الناس عامة والأطباء خاصة!اللي لسة إسمهم متعلمين حتى الآن!
وأصبح من الممكن في المستقبل نلاقي الأطباء بيتعينوا بالمسابقات بس يا ترى الاختيار ساعتها هيكون لمين؟
للمجتهدين اللي مالمسوش أي حالة ولا شافوا أي خبرة عملية؟
أم للوسائط وخريجي الجامعات الخاصة؟
والأختيار هيكون ازاي؟؟بل الاختبار هيعملوه ازاي ؟؟هل سيتم الاختبار على مرضى مؤجرين أم ماذا؟؟
ومين اللي يسمح ان يكشف عليه طبيب غير مدرب؟
بل كيف سيتم التسجيل للدراسات العليا ؟هل سيتم ترك الحبل على الغارب ؟
اذا كانت القوانين الحالية لاتسمح لمحبي التعلم بالتسجيل للدراسات العليا وبيطلعوا عين الطبيب مما يضطر البعض للتسجيل للدراسات العليا بطرق ملتوية وتزوير ورشاوي ! فكيف سيكون مستقبل غير المعينين؟؟؟
سؤال ولابد له منإجابة شافية قبل أن نفاجأجميعاً بكوارث لاتحمد عقباها ممن سيضطر من الأطباء إلى العمل بسرقة وتجارة الأعضاء أو العبث بأجساد المرضى في المستوصفات الخاصة تحت بير السلم
مع تحياتي
طبيب دمه محروق
هناك تعليق واحد:
يا رب حد يكون مشاركني الرأي
إرسال تعليق